Ass.: Sabine Moratz
Innarluutilinnut sapaatip akunnera ”Uge 41” ingerlanneqarpoq, Qaanaami atuarfimmi atuartut akulliit suleqatigalugit. Sammineqarpoq ” Allaanerulluni qanoq isumaqarpa” aammalu ” inunnut allaanerusunut/innarluutilinnut qanoq qisuariartarpugut”.
Atuartut ilinniartitsisumik pitsaaliuisumillu ilitsersorneqarput nammineq isummaminnik misilittakkaminnillu oqaluttuarsinnaanermut. Atuartut oqallittarfimmi pinnguarnermi, isiginnaartitsinermi, imminnullu tatigisinnaanermik annertusarnerani assigiinngitsunik aaqqiiniarsaripput, atuartut namminneq sapinngisatik pitsaasut nassaaraat , oqallittarfimmilu nalunaarutigalugit, taakkua ersersinneqassapput quppersaganngorlugit.
Qaanaami innarluutilinnut sapaatip akunnera naammassineqarpoq 17. Oktobari atuarfiup inersuaani ataatsimiinnermik, meeqqat inersimasullu innarluutillit taakkulu ilaqutaat qaaqquneqarsimallutik.
Ataatsimiinnermi eqqartorneqarpoq innarluuteqarluni illoqarfimmi inuuneq. Innarluutillit ilaqutaallu ilaatigut inuiaqatigiinnut immannguaannaq ilaasarlutik imaluunniit ilaanngilluinnarlutik, taamaattumillu peqatigiffeqalernissartil kissaatigalugu.
Qaasuitsup Kommuniani innarluutillit pillugit politikip siunertaraa illoqarfinni tamani innarluutilinnut siunnersuisooqatigiinnik pilersitsisoqarnissaa. Tamanna tulliani innarluutillit pillugit sapaatip akunneqarnialerpat novembarimi qaqinneqassaaq.
Ihiiguk! Link
No comments:
Post a Comment